Kai baras ho gae mujhe vo imarti khae. Jab mithaiyon ka daur tha.
Meri gali ke nukkad par jab jannat basti thi..
Us sheher mein mohabbat ka kaarobaar vahi to karte the, mere Khan chacha.
Har dopeher jab school se laut-te waqt mere baaki dost ghar ko daudtey,
main apni aankhon mein chamak liye us dukaan-e-jannat ke aage zubaan latkae khadaa ho jaata.
Vo meri ye harkatein bakhoobi samajhtey they. Sabke Arshad bhai, aur mere Khan chacha.
Mujhe vo har roz, bina naaga, apne haathon se taraashi, zubaan par rakhtey hi pighal jaane vaali
imarti khilatey the. Har roz.
Paise? Vo ishq ka kaarobaar tha janaab, usey noton mein mat giniye varna khazaane chotey pad jaenge.
Badaa haseen rishta tha vo. Khoon se to nahi, magar dil se zaroor judey the hum dono.
Vo jab bhi ghar aatey, tab akhbaar mei lapeti, soney si chamakti kalakand, meri maa ki nazron se bachakar mujhe thamaa detey.
Maine chalna bhaley hi pitaji se seekha, par hansna sikhatey the mujhe, mere Khan chacha.
Haan to main kahaan tha?? Haan...
Kai baras ho gae mujhe vo kalakand khae. Kai baras ho gae mujhe vo mohabbat pae.
Par aaj achanak raastey par chaltey, na jaane kahaan se, maine vo aavaaz phir suni.
Aur suntey se hii meri nigaahein us aavaaz ka chehra dekhne ko bechain ho gain.
Aur phir yun hi tatoltey us bheed mein, meri aankhon ko phir se vo sukoon-e-deedaar mila.
Vahi safaid kurta, safaid topi, vahi daadhi, vahi khoobsoorat chehra. Haan vo vahi they, mere Khan chacha.
Na jaane kab, meri aankhein baras padin.
Maine tab unki taraf kadam badhaya to, magar na jaane kyun, mere kadam tham gae.
Isliye ki unke chehre par, ek ajeeb khauf nazar aaya.
Vo har pal chehekta hua chehra, aaj sikuda sa tha. Un mohabbat bhari aakhon mein aaj ek darr sa tha.
Mere sukoon bharey ashq pal bhar mein sharmsaar ho gae. Kyuki us darr ka vajood mujhe unhi aankhin mein nazar aa rha tha.
Bheed ka darr.
Isse pehle ki main unse kuch keh paata, vo chehra fir se na jaane kahaan gum ho gaya. Main unse pal bhar ke liye guftagoo tak na kar sakaa.
Agar mil pataa, to main aapse itna zaroor kehta, ki aapko is bheed se darney ki koi zaroorat nahin. Main aapko bas itna yakeen dilaata, ki aapki hifaazat khud khuda karengey. Arrey is bheed ki kya himakat ki ye aap par nazar daagey. Yakeen maaniye mera, ye bheed kuch bhi nahi aapke aage.
Vo dil, jismein kabhi beshumaar khushiyaan basti thi, unhey aaj is khauf ki koi zarurat nahin.
Aur kehta, ki apna khayal rakhiyega Khan chacha. Aur sach kahun, agar main aapse mil paata, to phir se us imarti ke liye mera jee lalchataa.
Meri gali ke nukkad par jab jannat basti thi..
Us sheher mein mohabbat ka kaarobaar vahi to karte the, mere Khan chacha.
Har dopeher jab school se laut-te waqt mere baaki dost ghar ko daudtey,
main apni aankhon mein chamak liye us dukaan-e-jannat ke aage zubaan latkae khadaa ho jaata.
Vo meri ye harkatein bakhoobi samajhtey they. Sabke Arshad bhai, aur mere Khan chacha.
Mujhe vo har roz, bina naaga, apne haathon se taraashi, zubaan par rakhtey hi pighal jaane vaali
imarti khilatey the. Har roz.
Paise? Vo ishq ka kaarobaar tha janaab, usey noton mein mat giniye varna khazaane chotey pad jaenge.
Badaa haseen rishta tha vo. Khoon se to nahi, magar dil se zaroor judey the hum dono.
Vo jab bhi ghar aatey, tab akhbaar mei lapeti, soney si chamakti kalakand, meri maa ki nazron se bachakar mujhe thamaa detey.
Maine chalna bhaley hi pitaji se seekha, par hansna sikhatey the mujhe, mere Khan chacha.
Haan to main kahaan tha?? Haan...
Kai baras ho gae mujhe vo kalakand khae. Kai baras ho gae mujhe vo mohabbat pae.
Par aaj achanak raastey par chaltey, na jaane kahaan se, maine vo aavaaz phir suni.
Aur suntey se hii meri nigaahein us aavaaz ka chehra dekhne ko bechain ho gain.
Aur phir yun hi tatoltey us bheed mein, meri aankhon ko phir se vo sukoon-e-deedaar mila.
Vahi safaid kurta, safaid topi, vahi daadhi, vahi khoobsoorat chehra. Haan vo vahi they, mere Khan chacha.
Na jaane kab, meri aankhein baras padin.
Maine tab unki taraf kadam badhaya to, magar na jaane kyun, mere kadam tham gae.
Isliye ki unke chehre par, ek ajeeb khauf nazar aaya.
Vo har pal chehekta hua chehra, aaj sikuda sa tha. Un mohabbat bhari aakhon mein aaj ek darr sa tha.
Mere sukoon bharey ashq pal bhar mein sharmsaar ho gae. Kyuki us darr ka vajood mujhe unhi aankhin mein nazar aa rha tha.
Bheed ka darr.
Isse pehle ki main unse kuch keh paata, vo chehra fir se na jaane kahaan gum ho gaya. Main unse pal bhar ke liye guftagoo tak na kar sakaa.
Agar mil pataa, to main aapse itna zaroor kehta, ki aapko is bheed se darney ki koi zaroorat nahin. Main aapko bas itna yakeen dilaata, ki aapki hifaazat khud khuda karengey. Arrey is bheed ki kya himakat ki ye aap par nazar daagey. Yakeen maaniye mera, ye bheed kuch bhi nahi aapke aage.
Vo dil, jismein kabhi beshumaar khushiyaan basti thi, unhey aaj is khauf ki koi zarurat nahin.
Aur kehta, ki apna khayal rakhiyega Khan chacha. Aur sach kahun, agar main aapse mil paata, to phir se us imarti ke liye mera jee lalchataa.
No comments:
Post a Comment